Monedha e mbretit Balaj — tipi i Farosit

Përshkrimi

Balaji preu monedha edhe në Faros, në ishullin Hvar, me revers tjetër: Artemida vrapon me kiton të shkurtër, me pishtar dhe shtizë. Ky është tipi më i afërt me Artemidën luftëtare e gjuetare — kurse altari i Ulqinit i kushtohet Artemidës Elafabolos, „asaj që gjuan drerë“.

Averi i këtij ekzemplari është i konsumuar, ndaj portreti i mbretit në model mbetet vetëm në kontur; reversi lexohet.

Modeli 3D u krijua nga dy fotografi të ekzemplarit (averi dhe reversi) në koleksionin e Bibliotekës Kombëtare të Francës. Lartësia e relievit u nxor nga hija në fotografi, ndaj modeli është vizatim besnik në tri dimensione, jo rilevim i matur i monedhës. Fotografia është vendosur mbi model si ngjyrë. Për printim 3D, averi dhe reversi u përgatitën si pllaka të veçanta me fund të sheshtë, të zmadhuara 3:1, me lartësi reale dhe të theksuar të relievit.