Monedha e mbretit Balaj — ekzemplari i dytë

Përshkrimi

Monedhë e dytë bronzi e Balajt e të njëjtit tip: koka e mbretit në avers, Artemida me pishtar dhe mbishkrimi ΒΑΣΙΛΕΩΣ ΒΑΛΛΑΙΟΥ në revers. Reversi i këtij ekzemplari është ruajtur më mirë, ndaj figura e perëndeshës dhe shkronjat lexohen më qartë në model se te i pari.

Dy ekzemplarë të të njëjtit tip, njëri pranë tjetrit, tregojnë si bëhej monedha antike: e njëjta figurë, por çdo copë me goditjen, zhvendosjen dhe konsumimin e vet.

Modeli 3D u krijua nga dy fotografi të ekzemplarit (averi dhe reversi) në koleksionin e Bibliotekës Kombëtare të Francës. Lartësia e relievit u nxor nga hija në fotografi, ndaj modeli është vizatim besnik në tri dimensione, jo rilevim i matur i monedhës. Fotografia është vendosur mbi model si ngjyrë. Për printim 3D, averi dhe reversi u përgatitën si pllaka të veçanta me fund të sheshtë, të zmadhuara 3:1, me lartësi reale dhe të theksuar të relievit.